La caratteristica di una napoletanità viva ed un lessico pulito
nella poesia di Nino Vicidomini

Dalla sua lirica emerge una profonda conoscenza del dialetto tradizionale; per questo, è un valido registro da conservare. L’umanità che sottende la sua poesia si rivela in immagini ariose, fresche, caratteristiche di una napoletanità viva, mai ovvia; grazie anche ad un lessico pulito, sobrio, ricco di una garbata sonorità.

Angelo Calabrese


ACCUSSI’

So’ passate tant’anne, na vita!..

Ogni cosa è na cosa diversa
e mo tutto è cagnato pe’ nuje.

Nuje nun simme cchiù chille ’e na vota;
nun tenimmo cchiù forza e salute
pe’ combattere contro ’e pericule
c’ ’a jurnata ce vo’ fa’ affruntà’.

E na vita ’e battaglie
cunsuma.

Senza ’a forza pe’ vencere ancora,
ântrasatto, te po’ fà’ cadè’!..

E fernésce… fernésce ogni cosa.

Accussì, tra nu ditto e nu fatto,
senza manco ca tu te n’adduone
trase chella signora d’ ’a porta
nzerra ’o libbro, te dà ’o bonsuarè

e fernésce… fernésce pe’ te.

nivi